Þegar skammtímaleiguhúsnæði er auglýst til ótímabundinnar leigu

Hef verið að sjá undanfarið nokkuð mikið um auglýst leiguhúsnæði sem gæti hafa verið leigt áður til skammtíma. Og þá fer maður að leiða hugann að því af hverju það sé ekki leigt ennþá til skammtíma, og sé auk þess auglýst á þessum árstíma rétt fyrir sumarið.

Það eina sem ég veit er að það hafi allavega verið til umræðu að takmarka það hversu lengi megi leigja skammtímaíbúðir að mig minnir yfir tiltekið tímabil, og ef til vill hafi þetta þegar orðið að reglugerð og leigusalar séu þessvegna að auglýsa þær til leigu á venjulegum leigumarkaði meðan skammtímaleiga er ekki leyfileg.

Leigan á þessu nýlega auglýsta húsnæði er venjulega ótímabundin. Skilst að húsaleigulög segi til um að uppsagnafrestur sé þá 6 mánuðir, en 12 mánuðir ef leigutaki hafi leigt húsnæðið í eitt ár eða lengur.

Ef þetta hafa verið áður skammtímaleigu íbúðir eins og þær virðast hafa verið, og leigusalinn hafi verið knúinn til að hlýta nýrri reglugerð eins og áður var tekið fram, þá leikur þarna vafi á því hversu lengi eiginlega leigusalinn hefði viljað leigja húsnæðið á venjulegum leigumarkaði um leið og mögulegt hefði verið að byrja að leigja húsnæðið út til skammtíma á ný. Og þá hefði það getað þýtt að leigutaka hefði verið sagt upp leigunni eftir tiltölulega stuttan tíma.

Þetta auglýsta húsnæði er venjulega búið húsgögnum og jafnvel raftækjum eins og þvottavél, þannig að kosturinn við það væri sá að það yrði auðveldara að flytja úr húsnæðinu og því ekki eins örðugt og venjulega, og sérstaklega þegar leigutímabilið væri tiltölulega stutt, eins og ef það væri styttra en eitt ár.

En þá gæti fólk samt hafa verið með búslóð sína í geymslu á meðan og þyrfti þá að sækja hana í staðinn þegar flutt væri í annað húsnæði. En þetta biði þó ennþá upp á visst svigrúm til að gera eitthvað annað í staðinn, eins og að ferðast eða flytja aftur í leiguhúsnæði búið húsgögnum.

En búslóðageymsla er dýr og ekki praktísk í lengri tíma.

Svo mætti velta fyrir sér hvort svona húsnæðis leigufyrirkomulag sé vísir að nýju þjóðfélags skipulagi þar sem fólk verði eignaminna. Leigi húsnæði í stað þess að eiga það, og flest húsgögnin fylgi leigunni. Satt best að segja þá finnst mér það ekki fjarri lagi miðað við ástandið á húsnæðismarkaðnum, nánast eins og það væri verið að rýja fólk inn að skinni og setja það eins á jötu, eða enn meir á jötuna, eins og sauðir væru.

Ef þetta er rétt þá mætti ennfremur íhuga hvað þetta feli eiginlega í sér.